भजनी १० पौष/कैलालीका विभिन्न ठाउँबाट लागूऔषधसहित दुई जना युवा पक्राउ परेका छन् ।जिल्लाको दक्षिणी सीमावर्ती भजनी नगरपालिका वडा नं. ३ सरदार चोकस्थित भारतबाट नेपालतर्फ पैदल आउँदै गरेको अवस्थामा जानकी गाउँपालिका वडा नं. ४ मुनुवाका १८ वर्षीय किशोर पक्राउ परेका हुन् । ती किशोरलाई ३५० मिलिग्राम लागूऔषध (खैरो हेरोइन)सहित प्रहरी चौकी जनकपुरबाट खटिएको प्रहरी टोलीले नियन्त्रणमा लिएको हो। यस्तै घोडाघोडी नगरपालिका वडा नं. २ साडेपानी बजारबाट सोही ठाउँ बस्ने ३० वर्षीय श्रबण चौधरी पक्राउ परेका हुन् । चौधरीलाई ३० मिलिग्राम खैरो हेरोइनसहित इलाका प्रहरी कार्यालय सुखडबाट खटिएको प्रहरी टोलीले नियन्त्रणमा लिई थप अनुसन्धान भइरहेको प्रहरीले जनाएको छ ।
