जोशीपुर |कैलालीको जोशिपुर गाउँपालिकाका भोटेकोशीको विनाशकारी बाढीमा परी हालसम्म बेपत्ता रहेका ९ जनाका परिवारलाई भेटेर उनीहरूको अवस्था बुझिएको छ। रोजगारीका लागि रसुवा पुगेका उनीहरू बेपत्ता भएपछि परिवारले भोगिरहेको पीडा, आर्थिक संकट र बालबालिकाको भविष्यबारे बुझ्न विद्यार्थी अभियन्ता लोकेश जोशी प्रभावित परिवारको घरमै पुगेका हुन्।बेपत्ता हुनेहरूमा जोशिपुर गाउँपालिका वडा नम्बर २ का ७ जना, वडा नम्बर १ का १ जना र वडा नम्बर ३ का १ जना रहेका छन्। भौगोलिक रूपमा टाढा घटेको बाढीको घटनाले गाउँका परिवारमा गहिरो शोक र निराशा छाएको छ। परिवारसँगको भेटघाटका क्रममा अधिकांशको आर्थिक अवस्था कमजोर रहेको र दैनिक छाक टार्नसमेत कठिनाइ भइरहेको पाइएको जोशीले बताएका छन्।…
