टीकापुर/ कैलालीको टिकापुर नगरपालिका वडा नं ७सत्तीमा जलवायु–मैत्री जीविकोपार्जन बेमौसमी तरकारी सम्बन्धी तीन दिने तालिम सम्पन्न भएको छ । नेपाल रेडक्रस सोसाइटीको कैलाली जिल्ला को आयोजना तथा ब्रिटिस रेडक्रसको आर्थिक सहयोगमा सञ्चालित जिविकोपार्जन र जैविक विविधता संरक्षण का लागि समुदायको सशक्तीकरण ECOLAB परियोजना अन्तर्गत लाभग्राहीहरूलाई लक्षित गरी जलवायु–मैत्री जीविकोपार्जन बेमौसमी तरकारी सम्बन्धी तीन दिने तालिम सम्पन्न भएको हाे ।
उक्त तालिममा जलवायु मैत्री जिविकोपार्जन कसरी गर्न सकिन्छ? पुर्व सुचना प्रणालि,थोपा सिंचाइ , बेमौसमी तरकारी खेती गर्ने तरिका, बेमौसमी तरकारीको फाइदा एवं महत्व, कोकोपिट र मलको मिश्रणमा प्लास्टिक ट्रेमा बेर्ना उमारेने तरिका,टनेल निमार्ण ,बेमौसमी तरकारी खेतीबाट राम्रो र छिटो कसरि आयआर्जन गर्ने तरिका मा जीविकोपार्जन गर्ने उपायहरूका बारेमा तालिम दिइएको छ । उक्त तालिममा मा २ पुरुष १० महिला गरि १२ जना को सहभागिता रहेको थियो। तीन दिने तालिममा टिकापुर नगरपालिका नगरपालिका कृषि शाखाका प्राविधिक अनिता चौधरी र रबिना चौधरी ले लाभग्राहीहरूलाई व्यवहारिक तथा सैद्धान्तिक पक्षलाई समेटेर प्रभावकारी रूपमा प्रशिक्षण गर्नु भएको थियो। तालिमको सहजिकरण परियोजना सामाजिक परिचालक अनिता धामि र च्याम्पियन रिता चौधरी ले गर्नु भएको थियो।
