कैलालीको भजनी नगरपालिकाको सहकार्य तथा बाल कल्याण संघ टीकापुरको आर्थिक तथा प्राविधिक सहयोगमा अपांगता भएका व्यक्तिहरुलाई सहायक सामग्री वितरण गरिएको छ ।
बाल कल्याण संघको सहयोगमा नगरपालिका भित्रका २२ जना अपाङ्गता भएका नागरिकहरुलाई विभिन्न सहायक सामग्री वितरण गरिएको महिला बालवालिका तथा समाजकल्याण उपशाखाको भजनी नगरपालिका प्रमुख रिजु चौधरीले जानकारी दिनु भयो । 
७ जनालाई ह्वीलचेयर, ७ जनालाई वैशाखी,६ जनालाई सेतोछडी र २ जनालाई वाकर वितरण गरिएको भजनी नगरपालिका निमित्त प्रमुख प्रशासकिय अधिकृत कैलाश थारु डगौराले बताए ।