अर्जुनधारा साउन २८।। युवा व्यवसायी समाज बिर्तामोडले पुर्वको पशुपतिनाथ , अर्जुनधारा जलेश्वर धाममा दर्शन गर्न आउने भक्तजनहरु लाई एक सय एक के.जि लड्डु (प्रसाद )बितरण गरेको छ
बिर्तामोडका सफल युवा व्यवसायीहरूले साउनको अन्तिम सोमबार अर्जुनधारा जलेश्वर धाममा पूजा गर्न आएका भक्तजनका लागि प्रसाद र पानी वितरण गरेको समाजका सचिव प्रकाश बानियाँले बताए । समाजको सामाजिक उत्तरदायित्व अन्तर्गत समाजका पदाधिकारी र सदस्यहरु बसेर प्रसाद वितरण गरिएको थियो ।
दुर्घटना मा घाइते संस्थाका सदस्य रुद्र झाको शिघ्र स्वास्थ लाभको कामना गर्दै सो कार्यक्रमको आयोजना गरेको संस्थाका अध्यक्ष सुसन पराजुलीले जानकारी दिए।
आगामी दिनमा पनि आफ्नो व्यापार व्यवसाय सँगसँगै समाजसेवालाई पनि अगाडि लिएर जाने पनि अध्यक्ष पराजुलीले बताए।