बिर्तामोड साउन १५ ।। झापाको बिर्तामोडस्थित देवी माविका सुरक्षा गार्ड बालिकामाथि यौन दुर्ववहार अभियोगमा पक्राउ परेका छन्।
इलाका प्रहरी कार्यालय बिर्तामोडका अनुसार जिल्लामै प्रतिष्ठित देवी माविका सुरक्षा गार्ड करिब ७० वर्षीय तेजबहादुर पान्डे बालिका यौन दुर्व्यवहार अभियोगमा गत बुधबार पक्राउ परेका हुन् ।
बिर्तामोड ४ निवासी पान्डे पूर्वप्रहरी पनि हुन् । कराते खेल्न आएकी बिर्तामोड ६ की ९ वर्षीया बालिकालाई विद्यालय परिसरमै यौनजन्य हिंसा भएको भन्दै बालिकाका परिवारले प्रहरीमा जाहेरी दिएका थिए। जाहेरीकै आधारमा उनलाई पक्राउ गरी अदालतबाट म्याद थप गरी अनुसन्धान जारी राखिएको इलाका प्रहरी कार्यालय बिर्तामोडका प्रहरी निरीक्षक रमेश राईले जानकारी दिए ।
विद्यालयका प्रधानाध्यापक अम्विका श्रेष्ठले स्कुल परिसरको सीसी क्यामेरा पहुँच क्षेत्र अवलोकन गर्दा बालिकामाथि दुर्व्यवहार भएको नपाइएको दाबी गरिन्। । बालिकालाई कराते सिकाउने प्रशिक्षक मीना पाठक उप्रेतीले बालिकाले आफूमाथि यौन हिंसा भएको कुरा अभिभावकलाई बताएको र त्यही आधारमा प्रहरीमा जाहेरी दिइएको जनाइन् । उनले भनिन्, ‘बालिकामाथि जघन्य अपराध भएको छ, दोषीलाई कारबाही हुनुपर्छ।