दिपक बहादुर विश्वकर्मा बोगटान/शान्तिका लागि समर्पित यात्रामा निस्किएका श्री रामभक्त कौडिन्यलाई बोगटान फुडसिल गाउँपालिका–१ नं वडा सिमचौरमा विशेष स्वागत गरिएको छ। श्री रामभक्त कौडिन्यले शान्ति, सद्भाव र मानवता फैलाउने उद्देश्यले ७५३ स्थानिय तहमा पैदल र साइकलमार्फत यात्रा गर्दै शान्तिको सन्देश फैलाउँदै आएका छन्।आजको कार्यक्रमको प्रमुख आकर्षण बोगटान फुडसिल गाउँपालिका–१ नं वडा अध्यक्ष खेम घर्तिमगरको स्वागत थियो। उनले स्वागत गर्दै भने, “शान्तिका लागि यस प्रकारको पहल अत्यन्तै सराहनीय छ। श्री रामभक्त कौडिन्यज्यूको यात्रा हाम्रो समाजमा शान्ति र सद्भावको सन्देश पुर्याउने विश्वास छ। हामी सबैलाई एकजुट भएर शान्तिको पक्षमा काम गर्न आवश्यक छ।”कौडिन्य ज्युले आफ्नो यात्रा बारेमा कुरा गर्दै भने, “शान्तिको सन्देश फैलाउन र हाम्रो समाजमा आपसी सहयोग र सद्भावको वातावरण बनाउनका लागि मैले यो यात्रा सुरु गरेको हुँ। यो यात्रा केवल मेरो होइन, हाम्रो सबैको प्रयास हो।”
उनको यात्रा नेपालका विभिन्न स्थानहरूमा भइरहेको छ र प्रत्येक स्थानमा उनले शान्तिको सन्देश पुर्याउँदै समर्पण र संघर्षको महत्त्व बारे जनचेतना फैलाइरहेका छन्। उनका समर्थक र स्थानिय बासिन्दा उनको यात्रामा साथ दिइरहेका छन्।
कार्यक्रममा स्थानिय बासिन्दाहरूले उत्साहपूर्वक कौडिन्य ज्युलाई स्वागत गर्दै उनको यात्राको सफलता र लक्ष्यका लागि शुभकामना व्यक्त गरे।
कौडिन्य ज्युले यस यात्रामा ७५३ स्थानिय तहमा पुग्ने लक्ष्य राखेका छन्, जसको उद्देश्य शान्ति, सद्भाव र मानवताको सन्देशलाई देशभर फैलाउनु हो। यस यात्रा मार्फत, उनले आफ्नो विश्वास र सन्देशलाई आम मानिसहरूसम्म पुर्याउने योजनामा छन्।
कार्यक्रममा गाउँपालिकाका विभिन्न सदस्यहरू, स्थानिय शिक्षक र बासिन्दाहरूको सहभागिता थियो, जसले शान्तिका लागि गरेको कौडिन्य ज्युको यात्रालाई प्रोत्साहन दिएका छन्।यो यात्रा नेपालको समग्र शान्ति र मानवता प्रवर्द्धनमा महत्त्वपूर्ण भूमिका निभाउने अपेक्षा गरिएको छ।