दिपक बहादुर विश्वकर्मा टीकापुर/कैलाली जिल्लास्थित मेरिगोल्ड एकेडेमी विद्यालमा आज सरस्वती पूजाको पावन अवसरमा विशेष कार्यक्रम आयोजना गरिएको थियो। कार्यक्रममा विद्यालयका छात्र–छात्राहरूले सांस्कृतिक कार्यक्रम प्रस्तुत गरेका थिए, जसमा विभिन्न नृत्य र संगीतका प्रस्तुतिहरूले उपस्थित दर्शकलाई मन्त्रमुग्ध बनाएको थियो।यस अवसरमा विद्यालयले वार्षिक खेलकुद प्रतिस्पर्धामा उत्कृष्ट प्रदर्शन गर्ने विद्यार्थीहरूलाई पुरस्कार सहित सम्मानित गरेको छ। साथै, विभिन्न कक्षाहरूमा प्रथम, द्वितीय र तृतीय स्थान हासिल गर्ने विद्यार्थीलाई पनि पुरस्कार वितरण गरिएको छ। पुरस्कार वितरण कार्यक्रममा विद्यालयका प्रधानाध्यापक, प्रमुख अतिथि तथा शिक्षकहरूले उपस्थिति जनाएका थिए।कार्यक्रमको सभापति देव प्रसाद जैशी देवकोटा भन्छन्, “आजको पवित्र सरस्वती पूजाको अवसरमा, म यहाँ उपस्थित भई खुशी छु। यस दिन विद्या र बुद्धिको देवीको आराधना गर्दै, हामी सबैलाई शिक्षा र ज्ञानको मार्गदर्शन प्राप्त हुन्छ। पुरस्कार पाउने सबै विद्यार्थीहरूको कडा परिश्रम र समर्पणको सम्मान गर्दै, म सबैलाई भविष्यमा अझ सफलता प्राप्त गर्न प्रोत्साहित गर्न चाहन्छु। सरस्वती देवीको आशीर्वाद सधैं हामीसँग रहोस्।”उक्त विद्यालयकी प्रिन्सिपल देनकला विष्ट भनिन, “आजको पवित्र दिनमा हामी सबै यहाँ सरस्वती देवीको पूजा गर्दै, ज्ञान र बुद्धिको आराधना गर्दैछौं। सरस्वती पूजा शिक्षा र संस्कृतिको प्रतीक हो र यसले हामीलाई जीवनका सबै क्षेत्रमा प्रगति र सफलता हासिल गर्न प्रोत्साहित गर्छ। यस अवसरमा, म सबै विद्यार्थीलाइ आग्रह गर्दछु कि आफ्नो शिक्षा र सृजनात्मकता तर्फ ध्यान केन्द्रित गरी, हाम्रा समाज र राष्ट्रको समृद्धिमा योगदान पुर्याउन हामी सबैले आफूसँगको ज्ञान र क्षमता प्रयोग गर्नुपर्छ। हाम्रो विद्यालय पनि ज्ञानको केन्द्र बन्ने हो, र त्यसका लागि हामी सबैको प्रतिबद्धता र मेहनत अपरिहार्य छ।”कार्यक्रममा प्रमुख अतिथि कविराज आचार्य र विशिष्ट अतिथि धनमाया प्रदेशी समेत उपस्थित रहनु भएको थियो। कार्यक्रम सञ्चालन कक्षा १० का छात्र दिपेन्द्र चाैलागाइ र कक्षा ८ की छात्रा विद्या चौधरीले गरेका थिए।
यस कार्यक्रमको सफलतामा विद्यालयका शिक्षक, विद्यार्थी र अभिभावकहरूको उत्साहजनक सहभागिता रहेको थियो।